Сепаратисти убиле пет војници во напад на југот на Тајланд

Сепаратистички борци убиле пет тајландски војници во напад врз контролен пункт во јужниот дел на Тајланд, соопшти тајландската армија. Нападот, еден од најкрвавите во последните години, бил извршен синоќа во провинцијата Наратхиват. Напаѓачите фрлиле импровизирани експлозивни направи и отвориле оган врз контролниот пункт, при што биле повредени и шест цивили, соопштија локалните власти. Засега никој не ја презел одговорноста за нападот. Наратхиват е една од трите тајландски провинции со мнозинско муслиманско население, каде со децении трае сепаратистичкиот бунт. Групите што дејствуваат во областа долж границата со Малезија бараат поголема автономија. Од 2004 година, во судирите меѓу сепаратистите и тајландската армија загинале повеќе од седум илјади луѓе.