Седум лица повредени во тешка сообраќајка во Гостивар

Сообраќајна несреќа помеѓу автомобил „цитроен берлинго“ со гостиварски регистарски ознаки, управуван од Р.Ј. (59) од Гостивар, и „сеат леон“ со скопски регистарски ознаки, управуван од О.Р. (70) од Гостивар, се случила вчеравечер во 23:10 часот во гостиварската населба Млаки. -При тоа со тешки телесни повреди се здобиле двајцата возачи Р.Ј. и О.Р., како и сопатниците М.С. (64), З.И. (45) и С.Р. (60), кои се пренесени во Комплексот клиники „Мајка Тереза“ во Скопје, информира портпаролот на СВР Тетово, Фатмир Реџепи. Сопатниците Д.П.Г. (59) и П.А. (54), се здобиле со телесни повреди, констатирани во Медицински центар Гостивар. Увид на местото извршила екипа од ОВР Гостивар.