Себастијан Ожие и совозачот итно се префрлени во болница со хеликоптер (ВИДЕО)

Актуелниот светски шампион во рели, Себастијан Ожие, доживеа сериозна несреќа на Финското рели. Французинот излета од патеката со голема брзина, се преврте неколку пати и се удри во дрво, а по сето тоа, тој и неговиот заменик-совозач Жулиен Инграсија беа однесени со хеликоптер во болница на медицински прегледи. Несреќата се случи во претпоследната етапа денеска, кога Себастијан Ожие ја држеше водечката позиција. Неговата Тојота заврши надвор од патеката откако се изврте со голема брзина, но двајцата успеаја сами да излезат од автомобилот. Тојота соопшти дека Ожие и Инграсија „генерално се чувствуваат добро“, но по сериозната несреќа тие сепак беа однесени со хеликоптер во болница. – Ги контактиравме и разговаравме со нив, Себ беше повеќе шокиран од сè друго, ништо не беше скршено- изјави за Rally.tv заменик-директорот на тимот на Тојота, Јуха Канкунен. Канкунен сè уште не можеше да каже што го предизвикало излетувањето на Ожие, односно дали станува збор за технички проблем или нешто друго. https://twitter.com/i/status/2083612862027534670 https://twitter.com/i/status/2083619346752880707