Руте: Нема докази дека Русија има намера да нападне членка на Алијансата
Генералниот секретар на НАТО, Марк Руте, денеска изјави дека Алијансата не гледа непосредна закана за својата територија и дека нема докази дека Русија има намера да нападне која било членка на воениот сојуз. За време на неговата посета на Талин, Руте ја пофали Естонија за издвојувањето на пет проценти од бруто домашниот производ за одбрана и поддршката на Украина, нагласувајќи дека земјата поставува стандарди за другите членки на НАТО, објави естонскиот јавен сервис. Тој додаде дека руските хибридни напади нема да ги заплашат сојузниците. Естонската премиерка Кристен Михал изјави дека членството на Украина во НАТО ќе претставува најсилна безбедносна гаранција за Естонија на долг рок. Тој објави дека неговата земја ќе издвои 0,28 проценти од БДП за воена помош на Украина оваа година, во споредба со 0,35 проценти минатата година. Пристапувањето на Украина во НАТО во моментов не е на дневен ред, поради противењето на одредени членки, вклучувајќи ги и САД. Во меѓувреме, иницијативата ПУРЛ (PURL) има за цел обезбедување американско оружје за Украина, вклучително и системи за воздушна одбрана. Исто така, беше наведено дека европските земји се обидуваат да ја зајакнат сопствената одбранбена индустрија, додека безбедносните прашања во Балтичкото Море и Ормуската Теснина дополнително укажуваат на важноста од заштитата…
