Руските сили го нападнаа родниот град на Зеленски

Најмалку пет лица се убиени, а 52 повредени, меѓу кои и шест деца, во руските напади со беспилотни летала врз југоисточниот украински град Кривиј Рог, објави денеска воениот гувернер на регионот Дњепропетровск, Олександр Ханжа, на платформата Телеграм. Меѓу погодените цели е и најголемиот трговски центар во градот. Кривиј Рог, родниот град на украинскиот претседател Володимир Зеленски, се наоѓа околу 350 километри југоисточно од главниот град Киев. (МИА)