Руски дронови погодиле граничен премин меѓу Украина и Молдавија

Руски дронови денеска го погодиле граничниот премин „Табаки“ во Одеската област, на границата меѓу Украина и Молдавија, соопшти украинската Државна гранична служба. Сообраќајот на патници и возила преку преминот е прекинат и пренасочен кон други гранични премини. Молдавските власти биле известени за инцидентот, соопшти украинската служба.