Регионална лига: Колевски комесар за натпреварување, Бајалски во дисциплинска комисија

Конституиран е Управниот одбор на Регионалната ракометна лига, Иван Миливојевиќ претседател, додека Милена Раичевиќ е извршна директорка. Управниот одбор на Машката и Женската регионална ракометна лига (MRHL / WRHL) ја одржа својата прва – конститутивна седница. Седницата се одржа преку видеоконференциска врска, а Управниот одбор го сочинува по еден претставник од трите сојузи основачи: Ракометниот сојуз на Србија, Ракометната федерација на Македонија и Ракометниот сојуз на Црна Гора. Сите одлуки на седницата беа донесени со консензус на сите три члена. * Конституиран е Управниот одбор на Лигата, кој истовремено ја извршува функцијата на Одбор на директори на друштвото „Регионална ракометна лига“ ДОО Подгорица. За претседател на Управниот одбор е избран Иван Миливојевиќ, при што е утврден и редоследот на ротирачко претседавање по сезони. * Усвоен е Деловникот за работа на Управниот одбор, со кој се уредуваат свикувањето и текот на седниците, електронското одлучување, кворумот и начинот на донесување одлуки. * За извршна директорка на Лигата е именувана Милена Раичевиќ, прославена поранешна ракометарка, со мандат од две сезони. * Усвоени се Правилникот за натпреварување и Дисциплинскиот правилник, кои ќе се применуваат од сезоната 2026/27 во двете натпреварувања. * Именувани се комесарите на Лигата и Дисциплинската комисија, со мандат од две сезони…