Раѓањето и смртта на универзалните вредности

Пред да го пишувам текстов, морав да почекам да се слегне чадот од огнометите од прославата на 250-годишнината на Денот на независноста на дотогашните 13 британски колонии, со донесувањето на прочуената Декларација за независност, во контекст на која, се преименува аеродромот на Флорида, од Палм Бич во “Претседател Доналд Џ. Трамп“, како и мостот во Тенеси, кој исто така го доби неговото име. Морав да почекам сите кои биле присутни на прославата на “Independence Day“ во американската амбасада во Скопје да стасаат да ги објават своите фотографии од таму, бидејќи, нели, ако не биде објавено, исто како да не се случило. Но секако, најмногу чекав, со фудбалски речник кажано, во ВАР собата, после темелно прегледување на снимките, да објават чие влакно од фризурата било најблизу до некој од официјалните лица во Амбасадата, посебно до ВД амбасадорот Никол Варнс, чија уста била најразвлечена во насмевка и, кој најдлабоко се поклонил при доаѓањето таму. За жал, ниту ВАР системот не може да им влезе во умот и да процени кој најпонизно се чувствувал пред авторитетот на “стратешкиот партнер“, па секако, ФИФА, која во име на 250-годишнината, а по барање на “авторитетот“, на светското фудбалско првенство, дури поништи суспензија на американски фудбалер, ќе…