Путин: Глорификацијата на нацизмот и неонацистичката идеологија е во темелите на модерната украинска државност

Рускиот претседател Владимир Путин изјави дека глорификацијата на нацизмот што се случува во Украина е само дел од посериозен проблем и дека главниот проблем е што неонацистичката идеологија е ставена во темелите на модерната украинска државност. - Неверојатно е што се случува во Украина во моментов. Глорификацијата на нацизмот е само половина од проблемот. Но, вистинскиот проблем е што оваа неонацистичка идеологија денес е темел на украинската државност. Луѓето што уништија стотици илјади Полјаци, Евреи и Руси - стотици илјади - се глорификуваат, изјави Путин во изјава за руската телевизија Вести. Тој рече дека борбата против русофобијата и желбата да се уништи сè што е руско во Украина „е една од причините за спроведување на специјална воена операција во Украина“. - Денешните украински власти го направија неонацизмот основа на нивната државна идеологија. Тоа е ужасно. И ние нема да го трпиме тоа. Токму тоа е една од причините за спроведување на специјална воена операција - борбата против неонацизмот, против русофобијата и обидите за искоренување на сè што е руско, нашата култура, нашата историја, нагласи Путин. Рускиот претседател посочи дека дури и земји кои не ја симпатизираат Русија, реагираат на глорификацијата на нацизмот во Украина, наведувајќи ја Полска како пример. …