Пронајденa поголема количина на кокаин и марихуана: Лишени од слобода две лица и една малолетничка

Во Карпош, полициски службеници лишија од слобода две лица меѓу кои и малолетничка, откако кај нив се пронајдени и одземени поголема количина на марихуана и кокаин. На 08.08.2026 околу 20:30 часот на ул.„Букурешка“ на подрачјето на Карпош во Скопје, полициски службеници од Единицата за недозволена трговија при СВР Скопје ги лишија од слобода Д.М.(23), М.Ч.(23) и 16-годишна малолетничка, сите од Скопје. При преземање службени дејствија од лицето Д.М се пронајдени и одземени поголема количина на марихуана и кокаин. Лицата се задржани во полициска станица и по целосно документирање на случаите против нив ќе бидат поднесени соодветни пријави по брза постапка.