Пронајден човечки череп кај Подгоречкото езеро, во тек е истрага

На 25 јули 2026 година, полициски службеници од Полициската станица за граничен надзор Лабуништа пронашле човечки череп и други предмети во атарот на селото Лабуништа, кај Подгоречкото Езеро, во непосредна близина на македонско-албанската граница. Како што информираат од Министерството за внатрешни работи, по пронаоѓањето на човечките останки, во координација со останатите надлежни институции се преземаат активности за целосно расчистување на случајот и утврдување на сите околности. Засега не се соопштуваат дополнителни информации за идентитетот на лицето или за потеклото на пронајдените предмети, а истрагата е во тек.