Приведен 18-годишник, осомничен за кражба на накит од 70-годишна жена во Скопје

18 -годишникот бил приведен по претходно добиена пријава дека со употреба на физичка сила од 70-годишна скопјанка одзел личен накит. Полицијата во Скопје лишин од слобода 18-годишен жител на Кочани. Од МВР информираат дека на 9 август во 12:20 часот, на подрачјето на Центар, полициски службеници од СВР Скопје го лишиле од слобода Д.И., постапувајќи по претходна пријава за кражба. Според пријавеното, 18-годишникот употребил физичка сила врз 70-годишна скопјанка, од која одзел личен накит. За случајот бил известен јавен обвинител, а по целосното документирање, СВР Скопје ќе поднесат пријава по итна постапка поради постоење основи на сомнение за сторено кривично дело „тешка кражба на дрзок начин“ по член 236 став 3 од Кривичниот законик.