Претрес во струмичко, пронајдена дрога – лишени од слобода две лица

Две лица од село Банско, на возраст од 21 и 29 години, се лишени од слобода откако полицијата при претрес и преглед пронашла марихуана. При претрес на домот на 21-годишниот Е.Н., извршен со судска наредба, биле пронајдени пакувања со марихуана и стебло од растението канабис. Кај 29-годишниот Џ.М., кој бил затекнат во домот, била пронајдена марихуана. За случајот е известен јавен обвинител од ОЈО Струмица. По целосно документирање на настанот, ќе биде поднесена соодветна пријава.