Познат е судијата кој ќе го суди фудбалскиот Супер Куп

Европската куќа на фудбалот (УЕФА) донесе интересна одлука за натпреварот меѓу ПСЖ и Астон Вила, кој во 2026 година ќе се одигра на „Ред Бул Арена“ во Салцбург, Австрија. За првпат во историјата на ова натпреварување, мечот ќе го суди арбитар кој не доаѓа од европска конфедерација. Главен судија ќе биде Сомалиецот Омар Артан, со што ќе стане првиот неевропски арбитар што ќе ја води оваа пресметка во нејзиното 51. издание. Целиот судиски тим на теренот ќе биде од Африка. Помошници на главниот судија ќе бидат Либан Абдулразак Ахмед од Џибути и Стивен Елеазар Онјанго Јиембе од Кенија. УЕФА за четврти судија го назначи Словенецот Раде Обреновиќ, додека во ВАР-собата ќе биде Италијанецот Марко Ди Бело. Улогата на АВАР ќе ја извршува Шпанецот Гиљермо Куадра Фернандез.