Повеќе од 100.000 домаќинства без струја во Дњепропетровската Област во Украина

Неколку руски воздушни напади врз електричните објекти на главниот украински снабдувач со енергија (ДТЕК) оставија 126.000 домаќинства во Дњепропетровската Област без струја, соопшти синоќа ДТЕК на социјалните мрежи. Тие домаќинства првенствено се наоѓаат во јужните градови Никопол, Марганец и Покров. Според ДТЕК, иако поправките се веќе почнати, тие ќе потраат бидејќи причинета е голема штета. Според наводите на началникот на воената администрација на регионот, Олександер Ханџа, прекинот во снабдувањето со струја е последица на „непријателски напад“, без да се наведат други детали. - Екипите се веќе на терен и прават сè што можат за што поскоро да ја вратат струјата во домовите – додаде Ханџа.