Полјански: Европа би можела да биде вовлечена во конфликт со Русија дури и пред 2030 година

Постојаниот руски претставник во ОБСЕ, Дмитриј Полјански, денеска за руските медиуми изјави дека постои ризик Европа да биде вовлечена во конфликт со Русија пред 2030 година. Тој оцени дека проблемот не е само во систематските подготовки за војна и интензивната милитаризација на Европа, туку и во фактот дека, како што изјави, „наративот за наводно агресивна Русија и плановите што ѝ се припишуваат се користи како изговор“. „Проблемот е што е намален прагот за потенцијални провокации, оние што би можеле да ја вовлечат Европа во војна многу порано, без оглед на тоа дали некој го сака тоа или не“, одговори Полјански на прашањето дали сè почестите повици во Европа за подготовка за војна со Русија се само начин за зголемување на воените трошоци или одразуваат реално сценарио. Полјански, исто така, изјави дека властите во Киев „го гледаат својот опстанок во предизвикување директен конфликт меѓу Русија и Европа“, во кој Украина би била ставена во втор план. „Режим во Киев нема друг начин да преживее. Само со провоцирање на голем конфликт во кој Украина ќе падне во втор план, а Русија и Европа ќе војуваат“, нагласи Полјански, одговарајќи на прашање за ризиците од ескалација. Според неговите зборови, украинскиот претседател Володимир Зеленски не…