Почина поранешниот претседател на ФИБА, Мураторе

Поранешниот претседател на Светската кошаркарска федерација (ФИБА), Хорацио Мураторе, почина на 74-годишна возраст, соопшти прес-службата на организацијата. Причината за смртта на аргентинскиот функционер не е откриена. Мураторе беше потпретседател на ФИБА од 2009 до 2014 година, а од 2014 до 2019 година беше претседател на ФИБА. Тој ја предводеше Аргентинската кошаркарска конфедерација (1992-2006) и Кошаркарската конфедерација на Америка (1993-2006). Мураторе беше и втор потпретседател (1994-2006), потпретседател (2006-2009) и претседател (2009-2014) на Американскиот регион на ФИБА.