ПФЛ: По еден бод за Скопје и Тиквеш

Првиот натпревар од 4.то коло од Првата фудбалска лига меѓу Скопје и Тиквеш одигран попладнево заврши без победник 1:1. Домашниот тим дојде до водство во 34.минута со голот на Антонио Божиноски, а гостите изедначија во 70.минута од пенал преку Н’Фали Сила. За Скопје ова е втор бод, додека Тиквеш има седум. Вториот дуел од денешната програма меѓу Брегалница – Башкими е во тек. Утре се игра дуелот Шкендија Арачиново и Арсими (почеток 16:30 часот). Колото ќе биде комплетирано во понеделник со натпреварите меѓу Вардар и Силекс (почеток 17 часот) и Шкендија Тетово – Струга Трим Лум (почеток 19 часот).