Папата Лав Четиринаесетти се врати во Ватикан по операцијата на рак на белите дробови

Поглаварот на Римокатоличката црква, папата Лав Четиринаесетти, денеска се врати во Ватикан, четири дена по операцијата на рак на белите дробови во болницата „Џемели“ во Рим, а го испратија десетици граѓани кои извикуваа „Ваша Светост!“. -Подобро сум, ви благодарам, рече папата кога го прашаа како се чувствува, додека го носеа со црн џип. Лав (71) претходно ги поздрави пациентите во болницата, а потоа, додека се движеше кон возилото што го чекаше, им мавна на луѓето собрани пред установата. Застана кратко време кога тинејџерка му подаде рачно изработена кукла што го претставуваше папата. Неговиот хирург Стефано Маргаритора, раководител на Одделот за торакална хирургија во болницата „Џемели“, го придружи до излезот за време на неговото официјално отпуштање. Десет минути по напуштањето на болницата, папата влезе низ портите на Ватикан. Се очекува тој да го упати својот традиционален неделен благослов од прозорецот што гледа кон плоштадот „Свети Петар“ во Рим, точно една недела откако објави дека лекарите откриле израсток на неговото белодробно крило. Во таа изјава, која беше невообичаено отворена за ватиканската пракса, тој објави дека израстокот ќе биде отстранет. На папата му беше отстранет дел од плеврата (облогата на белите дробови). Операцијата потврди дека станува збор за аденокарцином, најчестата форма на рак…