Отворени три јавни повици за создавање на програмата „Скопје 2029 – Европска престолнина на културата“

Фондацијата „Европска престолнина на културата – Скопје 2028“ ги отвори трите први значајни јавни повици со кои започнува процесот на создавање на официјалната програма на „Скопје 2028“. Повиците се за доставување проектни предлози, за ангажирање домашни и меѓународни експерти за советодавна и програмска поддршка, како и за избор на независни домашни и меѓународни евалуатори кои ќе учествуваат во оценувањето на проектните предлози, а преку кои истовремено се воспоставува и професионален и независен механизам за подготовка и оценување на програмата. Како што соопшти Фондацијата, повиците претставуваат можност креативните идеи, знаење и професионално искуство да станат дел од официјалната рограма на „Скопје 2028“ и да добијат европска видливост. -Целта е да се поттикнат нови уметнички проекти, меѓународни партнерства и активно учество на локалната културна сцена, со силен придонес кон создавање содржини кои ќе остават трајно културно наследство за градот. Преку отворен, инклузивен и транспарентен процес, „Скопје 2028“ ја гради програмата заедно со културната и креативната заедница и граѓаните, во духот на мотото „Culture Over Division“, се наведува во соопштението. Првиот повик е наменет за уметници, културни организации, јавни институции, универзитети, граѓански организации, креативни професионалци, културни оператори, претставници на креативните индустрии, локални заедници од Македонија, земјите членки на ЕУ и други земји подобни…