Општина Ресен ќе додели по 5.000 денари на првачињата

Општина Ресен ќе додели еднократна парична помош на семејствата со првоодделенчиња запишани во основните училишта на територијата на Општина Ресен. Јавниот повик за пријавување е отворен до 12 август и секое семејство ќе добие еднократна парична помош во висина од 5.000 денари, соопштија од тамошната локална самоуправа. Во Општина Ресен има пет основни училишта, а до денес запишани се над 100 деца во прво одделение, потврдија за МИА од Секторот за односи со јавност.(МИА)