ОН и Црвениот крст повикаа на итни правила за машини кои убиваат без учество на луѓе

Генералниот секретар на Обединетите нации Антонио Гутереш и претседателката на Меѓународниот комитет на Црвениот крст Мирјана Шпољариќ денеска предупредија дека автономното оружје што може да убие човек без човечко учество наскоро би можело да се користи во судирите и повикаа на итни преговори за ограничување на неговата употреба. - Сега сме опасно блиску до преминување на моралната црвена линија: автономно таргетирање на луѓе од страна на машини – наведоа Гутереш и Шпољариќ во заедничко соопштение. Тие ги повикаа државите веднаш да почнат преговори за правно обврзувачки договор со кој би се регулирале автономните системи на оружје, со јасно дефинирани забрани и ограничувања. Државите следната недела ќе се сретнат во Женева за да разговараат за можните нови правила. Преговорите за ова прашање се водат од 2014 година и остварија одреден напредок, но во меѓувреме напредуваше и технологијата. Целосно автономно оружје веќе користат некои армии, вклучувајќи противракетни системи на воени бродови, но засега не е познато дали таквите системи се користат против човечки мети. Организациите за човекови права предупредуваат дека системите засновани на вештачка интелигенција можеби не е можно доволно да се предвидат или контролираат, што го зголемува ризикот од смртоносни грешки, како што е непрепознавањето на ранети лица или војници кои…