Николовски за „кривинашите“ во Царина: Прскањето на куколот во житото оди успешно (ВИДЕО)

Прскањето на куколот во житото оди успешно, вели директорот на Царинската управа на РМ, Бобан Николовски, запрашан како оди справувањето со „кривинашите“, т.е. „белењето на црните овци во царина“ - има ли успех или се непоправливи, како што на шега го праша новинарот Љупчо Цветановски во интервјуто за Тв Алфа. За нивна жал, во овие две години голем дел царински работници веќе не се дел од оваа институција поради она што го правеле, потврди првиот човек на Царинската управа. „Уф, значи, едно од потешките прашања, меѓутоа многу лесно е за одговор затоа што јас сум дел од Царинската управа од 2008-ма година и реално го работам тој дел од работата и секогаш зборувам отворено по основ на ова прашање. Не само што ги знаеме кривинашите, мора да бидеме реални. Ова ваше прашање мора да се гледа од два аспекта. Првиот апект е прашавте за куколот во житото, дали го прскаме, дали го третираме, за да се подобри? Апсолутно, да, и тоа го покажуваат нашите резултати. Значи, за жал, поголем број на царински службеници, наши колеги, веќе не се во Царинската управа во овие две години затоа што направиле соодветни грешки кои што ги чинеле да ја изгубат работата. Не сме…