Најмалку двајца мртви во пукотница во училиште во Тајланд

Најмалку две лица загинале, а повеќе други се повредени во пукотница училиште во Тајланд. Според извори на службите за итна медицинска помош, загинатите најверојатно се наставници. Мотивот за нападот засега не е познат. Пукањето се случило утринава во училиштето „Дебсирин Нонтабури“ во покраината Нонтабури, северно од Бангкок. Според првичните информации од полицијата, осомничениот напаѓач бил тинејџер, за кој безбедносните сили уште соопштија дека е мртов. На местото на настанот се распоредени голем број полицајци, спасувачки и медицински екипи, додека учениците, наставниците и останатиот персонал биле евакуирани од училиштето. Според медиумските извештаи, во инцидентот се повредени дваесеттина лица, од кои некои се во критична состојба. Засега нема официјална потврда за бројот на загинати и повредени.