Најмалку 34 повредени во пожар во болница во градот Лудвигслуст, во северна Германија

Најмалку 34 лица се повредени рано утринава во пожар што избувна во покривна конструкција на болница во северниот германски град Лудвигслуст, соопшти полицијата, пренесе ДПА. Едно лице е реанимирано, изјави полициски службеник. Пациентите и болничкиот персонал се евакуираат од зградата. Кровната конструкција горела од 4:28 часот утрово , наведе полицијата. Властите соопштија дека ситуацијата останува многу сериозна и засега не е јасно колку луѓе се евакуирани. Полицијата првично не можеше да даде детали за сериозноста на повредите, јави ДПА.