Најмалку 27 лица загинаа во пожар во ноќен клуб во Бангкок

Најмалку 27 лица загинаа во голем пожар што избувна во ноќен клуб во Бангкок, пред пожарникарите да успеат да го стават пламенот под контрола. Пожарот бил пријавен околу полноќ. Снимките објавени од спасувачките екипи покажуваат пламени јазици како излегуваат од влезот на објектот во северниот дел на тајландската престолнина, додека луѓе се обидуваат да избегаат, а густ црн чад се шири над зградата. Премиерот на Тајланд, Анутин Чарнвиракул, соопшти дека 27 лица загинале во инцидентот, а неколку десетици се пренесени во болница. Причината за пожарот се уште се истражува. Според властите, на пожарникарите им биле потребни околу 30 минути за да го локализираат пламенот. Фотографиите од местото на несреќата покажуваат изгорени маси и столови, како и сериозно оштетен ентериер на локалот. 🚨💔🔥 RAGING INFERNO IN BANGKOK AT LEAST 27 DEAD... Shocking footage shows a massive fire tearing through a busy pub/restaurant in Bangkok’s Chatuchak district early this morning, reducing the building to a hellish blaze within minutes. At least 27 people have been killed.… pic.twitter.com/PrkpWCqTy1 — Mr Tiwaree (@MrTiwaree) July 12, 2026