Најџел Вилијамс-Гос го продолжува договорот со Жалгирис

Американскиот кошаркар Најџел Вилијамс-Гос е пред продолжување на соработката со Жалгирис, дознава „Баскет њуз“. Плејмејкерот е на чекор од потпис на нов тригодишен договор со литванскиот клуб, а во договорот наводно ќе има и клаузула за раскин. Во текот на летото, за Вилијамс-Гос се појави интерес од Панатинаикос, но Жалгирис веднаш стави до знаење дека не планира да го пушти својот играч. Американецот има значајно евролигашко искуство и досега во најсилното европско натпреварување просечно бележи 8,7 поени, 2,1 скок и 3,2 асистенции. Доколку договорот биде официјализиран, Вилијамс-Гос ќе остане во Каунас и во наредните три сезони.