МВР ја најде НАСИЛНИЧКАТА: Уште едно видео за физичка пресметка на девојчиња

Жртва на ова врсничко насилство е девојче кое се извинува на колена на друго девојче. Додека добива шлаканици, насобраната група момчиња и девојчиња довикуваат, бодрат и снимаат. Од МВР велат дека разговарале со девојчето жртва, а ги повикуваат и другите инволвирани. „Се преземаат мерки по допрен глас за утврдување на идентитетот на лицата и за целосно расчистување на случајот. Се повикуваат сите осомничени во врска со предметниот настан, а веќе е извршен разговор со жртвата во присуство на родител и известен е јавен обвинител“, велат од МВР.