Мицкоски оствари средба со генерал Гринкевич, врховен командант во НАТО

Премиерот Христијан Мицкоски денеска оствари средба со генералот Алексус Г. Гринкевич, врховен командант на Сојузничките сили на НАТО во Европа (SACEUR) и командант на Европската команда на САД. - Разговаравме за актуелната безбедносна состојба, регионалната стабилност и понатамошното продлабочување на соработката во рамките на Алијансата, објави Мицкоски. Премиерот додаде дека средбата претставува потврда на силното партнерство и заедничката заложба за мир, безбедност и стабилност. Како посветен и доверлив сојузник, Македонија продолжува активно да придонесува кон заедничките цели и вредности на НАТО.