Мексиканец се обидел да прошверцува во Германија повеќе од 90 различни видови влекачи

По извршена проверка за наркотици и багаж, цариници од аеродромот Келн-Бон во Германија соопштиле дека 45-годишен мексикански пожарникар се обидел да прошверцува над 90 различни влекачи, меѓу кои поскоци, ѕвечарки, гуштери, игуани и други видови змии, скриени во различни пластични предмети. Според нив, Мексиканецот се однесувал чудно додека поминувал низ преминот за проверка. „Патникот се однесуваше многу невообичаено, па затоа одлучивме да направиме дрога тест, па откако излезе позитивен направивме претрес на неговиот багаж. Тоа што го откривме беше шокантно“, соопшти царината. Портпаролот на царинската управа во Келн, Јенс Аланд изјавил дека се навикнати на секакви работи, но ова ги надминува нивните очекувања. - Некои од животните беа чувани во нехумани услови, по што голем број од нив угинале за време на патувањето, посведочи цариникот. Четириесет и петгодишниот Мексиканец веднаш бил депортиран од Германија. Минатата година на државно ниво биле запленети над 56.600 заштитени животни и растенија, како и производи изработени од нив. Сличен инцидент се случил и пред шест години, откако од Мексико биле запленети 26 ретки влекачи наменети за приватни купувачи во Германија 🐍 Mehr als 90 lebende Giftschlangen und Echsen hat der Kölner Zoll im Koffer eines mexikanischen Feuerwehrmanns gefunden. ❄️ Ein durchgeführter Drogenwischtest an den Handinnenflächen…