Мбапе се огласи по повредата против Мароко: „Добро сум

Француската фудбалска ѕвезда Килијан Мбапе испрати охрабрувачка порака до навивачите по повредата што ја заработи во четвртфиналниот натпревар против Мароко на СП 2026. Франција обезбеди пласман во полуфиналето со победа од 2:0, а Мбапе беше еден од стрелците, погодувајќи во 60. минута. Вториот гол го постигна Усман Дембеле шест минути подоцна. Во 76. минута, додека играта се одвиваше на спротивната половина од теренот, Мбапе легна на тревникот и побара лекарска помош. Напаѓачот беше заменет во 77. минута со Жан-Филип Матета, што предизвика загриженост кај француските навивачи пред полуфиналето. Сепак, Мбапе самостојно го напушти теренот, поздравувајќи ја публиката, а подоцна беше забележан на клупата со лед на десниот зглоб. По мечот фудбалерот на Реал Мадрид за француската телевизија М6 кратко изјави: „Добро сум.“ Со оваа порака тој ги намали стравувањата дека повредата би можела да го оддалечи од настап во полуфиналето на СП.