Македонските ракометни младинци поразени и од Австрија на ЕП

Машката младинска репрезентација на Македонија го претрпе и четвртиот пораз на Европското првенство во Романија, откако загуби од Австрија со 28-24. Македонија со овој пораз ќе разигрува за пласман од 17. до 24. место на ЕП. Во македонскиот табор голманот Николовски имаше 11 одбрани, додека Поповски и Матески постигнаа по шест голови. Кај Австрија најпрецизен беше Фрич со седум погодоци. Македонските младинци утре ќе се сретнат против селекцијата на Летонија.