Лионел Меси прогласен за најдобар играч на СП според ИФФХС

Лионел Меси е избран за најдобар играч на Светското првенство од страна на Меѓународната федерација за фудбалска историја и статистика (ИФФХС). Тој го доби највисокиот индекс на успешност – 8,33, кој се пресметува врз основа на постигнатите голови, асистенциите и влијанието врз натпреварите во елиминациската фаза од турнирот. Меси одигра осум натпревари на Мундијалот, од кои седум како стартер. Единствено против Јордан влезе во игра во последните 30 минути, додека беше заменет десет минути пред крајот само на дуелот со Алжир, кој Аргентина го доби со 3-0. На осумте настапи постигна осум голови и додаде четири асистенции, со што имаше огромен придонес во настапот на аргентинската репрезентација.