Лидерката на венецуелската опозиција, Марија Корина Мачадо, најави враќање во земјата

Лидерката на венецуелската опозиција, Марија Корина Мачадо, планира да се врати во земјата по разорните два земјотреса од минатата недела. Протераната лидерка и добитничка на Нобелова награда за мир, синоќа изјави за американски „Фокс њуз“ дека „е дојдено време“ да се врати дома. „Моја должност е да го придружувам мојот народ. Треба да бидеме заедно, да се прегрнуваме, да тагуваме и да жалиме заедно“, рече таа. Мачадо рече дека има намера „многу скоро“ да биде во Венецуела, пренесе ДПА. Повеќе од 1.430 лица загинаа, а илјадници други се повредени во двата земјотреса што се случија во средата. Се верува дека илјадници сè уште се заробени под урнатините по последователните земјотреси со магнитуда од 7,2 и 7,5 степени. Мачадо со месеци наназад редовно го најавуваше своето непосредно враќање во татковината. Меѓутоа, според извештај во Њујорк тајмс, американската влада смета дека таквото брзо враќање е несоодветно. Таа во декември ја напушти Венецуела за да ја прими Нобеловата награда за мир во Осло и остана во странство, бидејќи беше под закана од апсење. На почетокот на јануари, Вашингтон започна воена операција во Венецуела, заробувајќи го лидерот Николас Мадуро. Откако Мадуро беше заробен, јужноамериканската земја е управувана од вршителката на должноста претседателка, Делси Родригез…