Летна салата со тестенини

Состојки: 250 г фусили тестенини 120 г шери домати 1 краставица 80 г чајна колбасица 1 црвен кромид 2 лажици ситно сечкан магдонос 25 г рендан пармезан За преливот: 4 лажици маслиново масло ½ лажичка медитерански зачин свежо мелена црна пипер 2–3 лажици свежо исцеден лимонов сок или балсамико оцет Подготовка: Тестенините сварете ги во солена вода според упатството на пакувањето. Внимавајте да останат ал денте. Сварените тестенини исцедете ги и исплакнете ги со ладна вода за да се прекине варењето. Оставете ги добро да се исцедат и изладат. Шери доматите пресечете ги на половинки, краставицата исечете ја на полукругови, кромидот на листови, а чајната колбасица на тенки парчиња. Во поголем сад ставете ги изладените тестенини, доматите, краставицата, кромидот, колбасицата и сечканиот магдонос. Во мал сад измешајте ги маслиновото масло, медитеранскиот зачин, црниот пипер и лимоновиот сок или балсамико оцет. Прелијте ја салатата со дресингот и нежно измешајте за сите состојки рамномерно да се соединат. На крај додајте го ренданиот пармезан и уште еднаш лесно промешајте. Ставете ја салатата во фрижидер најмалку 30 минути пред послужување, за вкусовите убаво да се соединат. Пред послужување можете да додадете уште малку пармезан, свеж магдонос и неколку капки маслиново масло.