Кристијано Роналдо како подвижен билборд и машина за пари (втор дел)

23-то Светско првенство во фудбал: Великаните на светскиот фудбал (26.) Кристијано Роналдо како подвижен билборд и машина за пари(втор дел) Млад, убав, богат, со добро срце и дарежлив – тоа е Кристијано Роналдо Продолжуваме со бренд приказната за КR7. На почетокот бил само едно мало дете со големи сништа, со неверојатна желба да победува(која граничи со манија) во фудбалската игра, ама и со врвна амбиција која се граничи со опсесија, што е карактерна особина само на најголемите спортисти. Сите овие карактеристики го воделе низ тешкотиите на животот, му овозможиле да се справи со проблемите и го довеле до самиот врв на фудбалскиот Олимп. А денес, тоа мало дете е префинет фудбалер, со извонреден дриблинг во трк, одличен прецизен удар кон голот, солидна игра со глава, и што е најбитно од се, има неверојатен победнички менаталитет. А за неговата упорност(некои велат тврдоглавост) и да не зборуваме. Колку пати и да е фаулиран за време на играта, секогаш станува и продолжува да игра. Можеби таа е една од главните особини што го прави најдобар. Миленик на навивачите! За своите обожаватели тој е брилјантен, харизматичен, инспиративен, незапирлив, уникатен. Има и причина зошто е тоа така: неговите фудбалски рекорди се недобројни, бидејќи има најмногу…