Крема за сончање или спреј? Дерматолозите открија кој е подобар избор

Кога станува збор за заштита од сонце, клучно е да се користи производ со заштитен фактор (SPF) од најмалку 30, но се поставува прашањето дали крема или спреј е подобар избор. Иако двата производи се подеднакво ефикасни ако се нанесат правилно, дерматолозите истакнуваат дека кремите често се покажуваат како подобар избор во пракса. Причината е едноставна - луѓето често го нанесуваат спрејот нерамномерно и во недоволна количина, што го намалува нивото на заштита, додека нанесувањето на кремот е попрецизно и потемелно, пишува Health. Како функционира заштитниот фактор Како по правило, повисок SPF е подобар, но само до одредена граница, вели д-р Вивијан Чин, основач на Koru Wellness & Aesthetics. -SPF е кратенка за sun protection factor и покажува колку долго можете да останете на сонце без да изгорите или да се оштетите во споредба со тоа колку долго би траела незаштитената кожа, рече д-р Чин за Health. Во теорија, SPF 30 значи дека можете да останете на сонце 30 пати подолго пред вашата кожа да поцрвене, но тоа е точно само ако точно ги следите упатствата. -Во пракса, повеќето луѓе не ги следат упатствата дословно. Тие не го нанесуваат производот 30 минути пред да излезат на сонце, ниту пак го…