Костов: Сер Роберt “Боби“ Чарлтон – џентлмен во копачки

Најпрвин еден мал увод. Пауза(еднодневна) е на Светското првенство, осумте четврфиналисти(Франција, Марокор, Шпанија, Белгија, Норвешка, Англија, Аргентина, Швајцарија) земаат малку здив пред претстојните натпревари, а јас пишувам за моите први импресии. На 11 јуни планетата Земја за момент застана, а фудбалската топка отпочна да се движи според звуците на фудбалската симфонија. Земјата почна да се врти околу фудбалската топка. Моќта на фудбалот доаѓа до полн израз. Неговата магнетна сила предизвика невиден фокус од невидени размери. Токму затоа го почнав овој серијал бидејќи фудбалот не е само игра и не е обична игра. Деновиве, сите, ама буквално сите, и тие што го сакаат фудбалот, и тие што не се негови љубители, се уверија дека оваа игра на еден чуден начин добива поголемо, не само спортско, туку и општествено, социјално, економско и политичко значење. Претседатели на држави, премиери, принцови и принцези се напреваруваат кој прв ќе седне во ВИП ложите на преубавите стадиони, за да страстно навиваат за националните селекции на своите земји. Еден претседател, знаете де, Доналд Трамп, интервенираше кај претседателот на ФИФА, Инфантино, за еден фудбалер на САД, ФИФА му ја прости казната(суспензијата), ама ете се најдоа некои белгиjaнци и репрезентацијата на САД, сосе помилуваниот фудбалер и Покетино, ги победија…