Ким надгледуваше тестирање на оружје

Лидерот на Северна Кореја, Ким Џонг-ун надгледуваше тестирање на систем за повеќекратно лансирање на ракети и на самоодна хаубица од 155 милиметри. – Модернизацијата на програмите за оружје на Северна Кореја е насочена кон автоматизација, способност за долг дострел и суперпрецизност. Целта е да се обезбеди способност за одбрана на јужната граница, посочи Ким. Тој присуствуваше на тестирањето на новата верзија на 240-милиметарски систем за повеќекратно лансирање на ракети, со 24 цевки за лансирање, тактички балистички ракети, а се тестираше и. Модернизираниот систем за повеќекратно лансирање на ракети е опремен со автономен комплекс за прецизно водење, а неговиот дострел е зголемен на 90 километри. Северна Кореја минатиот месец објави дека тестирала тактички балистички ракети, артилериски гранати и високопрецизни крстосувачки ракети водени од вештачка интелигенција.