Ким Кардашијан се маскираше во својата ќерка Норт за Ноќта на вештерките

Ким Кардашијан привлече големо внимание со својот костим за Ноќта на вештерките, одлучувајќи да се маскира во својата 13-годишна ќерка, Норт Вест. Ѕвездата од реалните шоуа го ископира препознатливиот стил на својата наследничка до најситен детаљ, а фотографиите и видеата ги сподели на Инстаграм. Ким носеше неонско-сина перика со патец на средина, тенки веѓи, впечатливи вештачки трепки и усни исцртани со темна линија. Изгледот го надополни со украсени нокти и широка облека, претежно во црна боја – комбинација каква што Норт често избира. Покрај фотографиите, Ким објави и кратки видеа во кои ги имитира позите на својата ќерка. Објавата ја придружуваше со едноставната порака: „Ноќта на вештерките 2026“. Многумина го протолкуваа нејзиниот потег како гест на поддршка за Норт, чии модни избори во последните месеци предизвикаа бројни дискусии на социјалните мрежи. Коментарите пристигнуваа еден по друг, а голем број корисници беа изненадени од сличноста меѓу мајката и ќерката. „Најкул мајка на светот“, напиша еден корисник, додека друг призна дека на прв поглед помислил оти гледа фотографии од самата Норт. Со овој костим Ким повторно успеа да го привлече вниманието на јавноста, а за инспирација за овогодинешната Ноќ на вештерките ја избра токму својата ќерка. View this post on Instagram A…