Кичевец пријавен за бесправно градење деловен објект на државно земјиште

ОВР Кичево поднесе кривична пријава против Е.Џ.(53) од кичевското село Зајас, како и против негов правен субјект со седиште во Кичево, поради постоење основи на сомнение за сторени кривични дела „узурпација на недвижности“ и „бесправно градење“. Според пријавата, лицето на катастарска парцела во Кичево, која е во државна сопственост, спротивно на одредбите од Законот за градба и без одобрение од надлежен државен орган, неовластено изградило деловен објект. Од полицијата информираат дека по преземените мерки и активности, против пријавеното лице и правниот субјект е поднесена соодветна кривична пријава до надлежното обвинителство.