Калин Ивановски се пласираше во второто коло на турнирот во Австрија

Македонскиот тенисер Калин Ивановски со пресврт обезбеди пласман во второто коло на ИТФ турнирот во Олерсбах, Австрија, откако го совлада Русинот Александер Чајка со 2-1 во сетови. Првиот сет му припадна на Чајка, кој славеше со 9-7 во тај-брејкот. Вториот сет Ивановски го доби убедливо со 6-2, а во третиот беше подобар со 6-4 за пласман во следната рунда. Во осминафиналето Ивановски го очекува осмиот носител на турнирот, Словенецот Бор Артнак.