Калин Ивановски го заврши настапот на турнирот на Австрија

Македонскиот тенисер Калин Ивановски беше принуден да го предаде натпреварот од второто коло на ИТФ-фјучерс турнирот во австриски Олерсбах и предвреме го заврши својот настап. Ивановски во второто коло се сретна со осмиот носител, Словенецот Бор Артнак, но не успеа да го доигра мечот. Артнак го доби првиот сет со 6-4, а при водство од 1-0 во вториот сет, македонскиот тенисер реши да се повлече поради физички проблеми. Со овој меч заврши и настапот на Ивановски на турнирот во Олерсбах, кој се игра за вкупен награден фонд од 30.000 американски долари.