Јакин: Бевме подобри од Аргентина

Селекторот на фудбалската репрезентација на Швајцарија, Мурат Јакин, смета дека неговиот тим бил подобар од Аргентина од која загубија со 1-3 по продолженија. Лут е на одлуката во 72-ра минута кога по прегледување на снимката Емболо доби втор жолт картон и тоа за симулирање и беше исклучен. „Гледајќи го како се одвиваше играта, бевме подобри од нашите противници, но на крај немаме ништо од тоа. Горд сум на тимот и стручниот штаб, на начинот на кој се боревме – дури и со десет играчи. Имавме иницијатива и непосредно пред исклучувањето, сакавме да направиме замена во нападот. Не знам кој го смисли ова правило, но не можеме ништо да промениме. Ако му давате жолт картон на Емболо за ова, требаше да дадете неколку пати претходно за ударите врз него. Но, на крајот, ние бевме казнетите. Не разбирам зошто бевме толку ослабени од некое правило. Начинот на кој се боревме покажува колку е полн со енергија и радост овој тим. За мене, сите мои играчи се херои“, рече Јакин.