Израелската армија ликвидираше тројца припадници на Хамас поврзани со нападот од 7 октомври

Израел продолжува да изведува целни убиства на осомничени членови на исламистичката организација Хамас, за кои се верува дека биле вмешани во масакрот од 7 октомври 2023 година. Израелската армија денеска соопшти дека двајца припадници на Хамас биле убиени во текот на ноќта во Деир ал Балах, во централниот дел на Појасот Газа. И двајцата се обвинети дека влегле на територијата на Израел и учествувале во нападот. Според армијата, во неделата бил убиен и припадник на елитните сили „Нукба“ на Хамас во Хан Јунис, во јужниот дел на Појасот Газа. „Тајмс оф Израел“ минатиот месец објави дека израелските власти веруваат оти повеќе од 2.000 осомничени учесници сè уште се наоѓаат во Појасот Газа. Вкупно, се смета дека околу 5.000 терористи се инфилтрирале во Израел на денот на масакрот. Оттогаш се убиени околу 2.700, од кои нешто помалку од половина за време на самиот напад, објави весникот. Уште околу 300 осомничени извршители, според извештаите, се наоѓаат во израелски притвор. Израелската армија соопшти дека лицата убиени во текот на ноќта неодамна планирале напади врз израелски војници и цивили и се обидувале повторно да ги организираат редовите на Хамас, што е прекршување на прекинот на огнот договорен во октомври. Тврдењата не можеа независно да…