Иран тврди дека ја нападнал американската воздухопловна база Ал Удеид во Катар

Техеран денеска објави дека неговите сили ја нападнале американската воздухопловна база Ал Удеид во Катар во 15-тиот бран напади - јавува агенцијата ИРИБ. Корпусот на Исламската револуционерна гарда (ИРГЦ) во соопштението соопшти дека во нападот биле уништени радар со долг дострел и неколку американски стратешки авиони за полнење гориво, јавува „Ал џезира“. -Американскиот непријател и земјите што ги примаат неговите бази во регионот треба да знаат дека преминувањето на црвените линии и нападите врз луѓето и цивилната инфраструктура ќе бидат скапо платени. Ако непријателот продолжи по тој пат, ќе следуваат уште посилни одговори, кои ќе бидат запаметени во историјата на војувањето, се наведува во соопштението на ИРГЦ. Договорот за прекин на огнот меѓу САД и Иран од Исламабад пропадна минатата недела, а страните продолжија да се напаѓаат едни со други, според „Ал џезира“. Истовремено, и Ормуската Теснина е затворена за поморски сообраќај.