Иран сè уште може во нокаут-фазата – три сценарија го носат меѓу најдобрите 32
Иран пропушти голема можност директно да обезбеди пласман во нокаут-фазата на Светското првенство. Ремито против Египет (1:1) во Сиетл остави горчлив вкус, особено поради голот на Мехди Тареми кој беше поништен длабоко во судиското продолжение. Доколку погодокот беше признаен, Иранците веќе ќе го славеа пласманот во следната рунда. Вака, Иран ја заврши групната фаза со три освоени бода и сега ќе мора да го чека расплетот во останатите групи за да дознае дали ќе се најде меѓу осумте најдобри третопласирани селекции кои продолжуваат во нокаут-фазата. Ситуацијата не е безнадежна, но повеќе ништо не зависи од Иран. Потребно е да се исполни барем едно од неколкуте сценарија во преостанатите натпревари од групната фаза. Што му е потребно на Иран за пласман? Иран ќе обезбеди место во нокаут-фазата доколку се исполни барем едно од следните сценарија: Хрватска да загуби од Гана. ДР Конго да не го победи Узбекистан. Натпреварот меѓу Австрија и Алжир да не заврши нерешено. Во овој момент Иран има подобра гол-разлика од дел од конкурентите меѓу третопласираните селекции, па доволен е само еден поволен резултат за да остане меѓу осумте најдобри третопласирани репрезентации. Поради тоа, вниманието во Техеран и низ целата земја сега ќе биде насочено кон натпреварите во…
