Хрватска пресилна за македонските кадети на ЕП

Македонската машка кадетска кошаркарска репрезентација загуби со 55 поени разлика од силната Хрватска во натпревар од ЕП (Дивизија Б) во Гевгелија – 112:57. Дион Шабани беше најефикасен во македонскиот состав со 16 поени и осум скока. Котевски реализираше уште 10 во нашата селекција. Нашите кадети в недела ќе го имаат слободниот ден на ЕП, а во понеделник од 18.30 часот, повторно во салата „26. Април“, ќе ја бараат втората победа во групата „Б“, а противник ќе биде Швајцарија.