Гутереш: Ќе направам сè што можам за да ги поддржам кипарските Грци и кипарските Турци во овој многу важен момент

Силна посветеност за изнаоѓање решение на кипарското прашање и силна поддршка до кипарските Грци и кипарските Турци изрази генералниот секретар на Обединетите Нации Антонио Гутереш по средбата со претседателот на Кипар Никос Христодулидис, јави дописничката на МИА од Атина. Гутереш од синоќа е во Никозија, претпладнево се сретна со Христодулидис и со лидерот на кипарските Турција Туфан Ерхурман, вечерва ќе има приватна вечера со двајцата лидери, додека пак за утре закажана е официјална средба. - Оваа посета е посета на солидарност со луѓето на Кипар и за да ја покажам мојата силна посветеност да се осигураме дека конечно ќе успееме да најдеме решение за кипарското прашање. Секако, тоа зависи од самите Кипрани, додека и силите гаранти имаат своја улога што треба да ја одиграат. Но, ќе направам сè што можам за да ги поддржам кипарските Грци и кипарските Турци во овој многу важен момент, истакна Гутереш по средбата со Христодулидис и кусо пред состанокот со Ерхурман. На почетокот на средбата со кипарскиот претседател, генералниот секретар на ОН посочи дека „ако постои момент кога решавањето на кипарското прашање е особено важен, тогаш тоа е сега, во период на хаос во регионот и во услови на одредени геополитички промени кои би можеле…