ГРК Охрид подобар од Вардар го финалето на турнирот “Крсте Андоновски”

Ракометарите на ГРК Охрид го одбранија трофејот на меморијалниот турнир „Крсте Андоноски“, откако во големото финале го совладаа Вардар со 29-27. Со оваа победа момците на Борис Ројевиќ прокнижија уште еден трофеј пред стартот на сезоната. Освојувачот на Европскиот Куп и шампионот на Македонија одново одиграа драматичен натпревар, полн со многу возбудувања и голема борба, а момците на Иван Чупиќ на крај попуштија и не успеаја да им се реваншираат на домаќините за поразот во Струга. За играч на финалниот натпревар беше избран новото засилување на Охрид, Доминик Мате. Двете екипи на втори септември одново ќе ги вкрстат копјата, откако во Гевгелија ќе се борат за трофејот во Суперкупот.